Операторите на преносни системи од Словенија и Србија, заедно со берзата за електрична енергија на европските земји EPEX SPOT, ја основаа првата регионална берза за електрична енергија за Централна и Југоисточна Европа – ADEX, соопшти денеска Електромрежа Србија.
На 23 декември во Љубљана официјално започна со работа Алпско-јадранско-дунавската берза за електрична енергија – ADEX, првата регионална берза за електрична енергија за Централна и Југоисточна Европа.
Берзата е основана на 23 декември 2022 година во Љубљана, со свечено потпишување од основачите – ELES, EMS и EPEX SPOT.
ADEX е создаден со корпоративното спојување на BSP Southpool и SEEPEX, со седиште во Љубљана и главни постојани канцеларии во Љубљана и Белград, пренесува Тањуг.
Новоформираниот ADEX ќе нуди хармонизирани и уникатни (едношалтерски) услуги за тргување со електрична енергија во Словенија и Србија, со амбиција да го прошири своето работење и во други земји во регионите на Централна и Југоисточна Европа.
