Европската унија и Сингапур објавија дека е исполнет правниот дел од договорот за слободна трговија, а тоа го отвора патот за потпишување на договорот во почетокот на наредната година.
ЕУ и Сингапур во декември минатата година ги завршија преговорите во поглед на слободната трговска размена.
ЕУ е вториот најголем трговски партнер и најголем инвеститор на Сингапур, пренесува АФП.
Трговската размена меѓу ЕУ и Сингапур достигнува 105 милијарди долари.
Парламентот на ЕУ овој договор треба да го ратификува до крајот на 2014 година, а сингапурскиот парламент до 2015 година.
Во Азија, ЕУ веќе потпиша договори за слободна трговска размена со Јужна Кореја, додека пак, во тек се и преговорите со Малезија и Тајланд.
