Зеленски: Америка подготвува уште 45 милијарди долари за Украина

Украинскиот претседател Володимир Зеленски денеска им соопшти на украинските амбасадори дека САД подготвуваат дополнителни 45 милијарди долари за Украина и глобалната безбедност.

Зеленски повторно и се обрати на јавноста од Киев по враќањето од Вашингтон и вети победа во војната со Русија, а на украинските амбасадори им навести дека САД подготвуваат уште еден пакет помош за Украина во износ од 45 милијарди долари, пренесува АП.

Украинскиот претседател се заблагодари и на Холандија за ветената помош од 2,65 милијарди долари, кои во 2023 година ќе бидат вложени во обновување на уништената инфраструктура и набавка на воена опрема.

Руските напади врз украинската инфраструктура продолжуваат и денеска, а во изминатите 24 часа загинаа најмалку шест цивили, додека 18 се ранети, соопшти денеска украинската влада.