Кризата на Кипар ја погоди и прославата на годишнината од независноста на оваа земја од британската колонијална власт- оваа година на прославата нема да има тенкови и други возила.
Министерот за одбрана Фотис Фотиу рече дека на прославата на 53-годишнината на 1 октомври ќе учествуваат само луѓе, како во повеќето членки на ЕУ и дека тоа е доволно за оддавање на почит на независноста и за подигање на моралот.
Фотиу рече дека заштедените пари ќе бидат наменети за обезбедување на утрински оброк во училиштата во кои има деца од сиромашни семејства.
Невработеноста на Кипар е во пораст, и сега изнесува 17 проценти. Оваа земја во март со меѓународните кредитори договори пакет помош за својот банкарски сектор во вредност од повеќе милијарди евра.