Автомобилскиот гигант „Ford“ има намера да инвестира 700 милиони долари во канадската фабрика „Oakville“ во Онтарио, а помош ќе понуди и канадската Влада.
„Денешната најава на „Ford“ е важна за канадската економија, бидејќи тоа значи зачувување на работните места и поголема конкуренција на канадскиот и меѓународниот пазар“, го пренесе АФП соопштението на управата на фабриката „Ford“ во Онтарио.
Оваа инвестиција нема да креира нови работни места, но ќе ги зачува постоечките 2.800 и ќе гарантира сигурност за вработените во наредните десет години.
Канадскиот „Ford“ моментално има 6.000 вработени, додека 18.000 Канаѓани работат кај повеќе од 400 концесионери на „Ford“ ширум земјата.