Колку милијарди изгубија милијардерите?

Беше тешка година за најбогатите технолошки милијардери во светот – релативно кажано, се разбира.

Технолошката индустрија е меѓу најтешко погодените од слабиот економски раст, зголемените стапки на инфлација и силниот долар.

MyBroadband состави листа на најбогатите луѓе во светот во технолошката индустрија врз основа на индексот на милијардери на Блумберг – од затворањето на пазарот на 14 декември 2022 година.

Вкупно, околу 390 милијарди долари се избришани од нето вредноста на 10-те најбогати технолошки милијардери во светот, пренесува Investor.

Следи листата на 10-те најбогати луѓе во технолошката индустрија заклучно со 14 декември 2022 година, со нивната нето-вредност и нето-вредноста од година до денес. Само тројцата најбогати милијардери на листата загубија речиси 209 милијарди долари.

1. Илон Маск — 161 милијарди долари (намалување за 109 милијарди долари)
2. Џеф Безос – 115 милијарди долари (намалување за 77,5 милијарди долари)
3. Бил Гејтс – 116 милијарди долари (намалување за 22,4 милијарди долари)
4. Лери Елисон – 93,8 милијарди долари (намалување за 13,3 милијарди долари)
5. Стив Балмер – 90,8 милијарди долари (намалување за 14,8 милијарди долари)
6. Лери Пејџ – 88,4 милијарди долари (намалување за 40 милијарди долари)
7. Сергеј Брин – 84,5 милијарди долари (намалување за 39 милијарди долари)
8. Џанг Јиминг — 54,9 милијарди долари (пораст за 10,4 милијарди долари повеќе)
9. Мајкл Дел – 49,5 милијарди долари (намалување за 5,44 милијарди долари)
10. Марк Цукерберг – 46,1 милијарди долари (пад од 79,4 милијарди долари)