Еден од најдобрите мотоциклисти на сите времиња, Италијанецот Валентино Роси одлучи да формира свој сопствен тим.
Екипата на Роси ќе се натпреварува во класата „Moto 3“, а ќе ги користи мотоциклите на „KTM“. Нормално тимот ќе се нарекува – „VR 46“, нешто што го красеше Италијанецот во неговата богата кариера.
Според информациите кои пристигнуваат од Италија за тимот на Роси ќе вози неговиот полубрат Лука Марини кој има 16 години, како и 17-годишниот Романо Фенати.
Роси до крајот на наредната година има важечки договор со Јамаха. По 13 трки во годинешниот шампионат Роси е четврти на табелата со 169 бода.
