Анализата на “Goldman Sachs” покажа дека трговците користат злато за заштита од инфлација и пад на доларот, додека биткоинот наликува на „ризични акции на технолошки компании“.
Голдман Сакс очекува златото со неговите двигатели на вистинската побарувачка да го надмине високо нестабилниот биткоин на долг рок.
Помалку е веројатно дека златото ќе биде погодено од построгите финансиски услови, што го прави „корисна алатка за диверзификација на портфолиото“, особено затоа што е развиена нешпекулативна употреба на златото, додека биткоинот се користи за шпекулации.
Вредноста на биткоинот, кој банката го нарече „решение кое бара проблем“, произлегува од опсегот на неговите идни случаи на употреба во реалниот свет, што го прави понестабилно и шпекулативно средство од благородниот метал.
Иако подготвеноста на инвеститорите да ја истражуваат децентрализираната валута помогна во прифаќањето на биткоинот, банката предвидува дека финансиските услови ќе станат построги.
„Нестабилноста на биткоин е поттикната и од системски проблеми, бидејќи неколку главни играчи веќе поднесоа барање за банкрот“, велат од банката.
„Златото би можело да има корист од структурно повисоката макронестабилност и потребата да се диверзифицира изложеноста на акции“, додаде Голдман Сакс, како што објавија медиумите.
