Кинеската економија ќе заживее и ќе ја поттикне глобалната економија во 2023 година

„Со олеснување на мерките против епидемијата и со оглед на отпорноста и потенцијалот на нејзината економија, кинеската економија ќе заживее следната година и ќе продолжи да биде сигурна и важна движечка сила на глобалната економија во 2023 година“, тврдат економските аналитичари и цитирани од CGTN.

Добрите очекувања дополнително ги зајакна годишната Централна економска работна конференција во Пекинг, која заврши во петокот, со утврдени принципи за економски развој за следната година и уредени приоритети. Пред сè, тука е проширувањето на домашната побарувачка, забрзувањето на изградбата на модерен индустриски систем, консолидацијата на јавниот сектор и поддршката на приватниот бизнис, привлекувањето на повеќе странски инвестиции, како и спречувањето на големи економски и финансиски ризици.

Состанокот го даде тонот за кинеската економија следната година и беше истакнато дека се очекува економијата да има сеопфатно закрепнување следната година и покрај глобалните и домашните предизвици.

Со зајакнати медицински системи, нови варијанти кои се поблаги и стапка на вакцинација од 90 проценти, Кина неодамна објави нови мерки за оптимизирање на мерките за контрола на епидемијата.

Извештаите од неколку светски банки предвидуваат дека кинеската економија ќе има добри резултати. Така, Morgan Stanley и Société Générale, две мултинационални компании за финансиски услуги, предвидуваат вкупен раст од пет проценти во Кина во 2023 година. Во меѓувреме, многу мултинационални компании ги прошируваат своите операции и инвестиции во Кина.