Советот на Европската унија го одобри деветтиот пакет санкции против Русија, се вели во соопштението објавено на веб-страницата на Советот.
Ова се клучните точки од новиот антируски пакет санкции:
-Се продолжува забраната за извоз во Русија на производи и технологии поврзани со воздухопловството, вклучително и беспилотни летала.
-Инвестициите во рударскиот и енергетскиот сектор на Русија се забранети. Замрзнати се средствата на две руски банки, а блокирани се и трансакциите на Серуската банка за регионален развој.
-Започнат е процес за суспендирање на дозволите за емитување на руските телевизиски станици НТВ, НТВ Мир, Русија 1, Рен ТВ и Првиот канал на територијата на Европската унија.
-Забрането е обезбедување услуги за Русија во областа на рекламирање, маркетинг истражување и анкети.
-На граѓаните на земјите од ЕУ им е забрането да заземаат високи позиции во руски државни компании, како и во компании контролирани од Русија.
-Советот на ЕУ воведува механизам кој овозможува одмрзнување на имотот на физичките лица и компаниите кои играат важна улога во трговијата со жито и ѓубрива.
