Русија ги предупреди Соединетите Држави (САД) да не го испраќаат својот противракетен одбранбен систем Патриот во Украина, велејќи дека тоа го зголемува ризикот од директно вклучување на Вашингтон во тековниот конфликт.
„Многу експерти, вклучително и оние од странство, се сомневаат во мудроста на таквиот чекор, што ќе доведе до ескалација на конфликтот и ќе го зголеми ризикот од директно вклучување на американската војска во воените дејствија“, изјави портпаролката на руското Министерство за надворешни работи, Марија Захарова.
Таа рече дека САД вршат притисок врз другите земји од НАТО за позначајна воена поддршка на Украина.
„Русија го смета целото оружје што и е доставено на Украина за легитимни воени цели што ќе бидат уништени или заробени“, рече Захарова.
