Празниците се време полно со можности да уживаме во чаша варено вино, џин-тоник, шампањ или кој било друг алкохолен пијалок што го сакаме. И дали сте се запрашале како, ако претерате, тоа влијае на вашето тело?
Ако не сте внимателни, можете многу брзо да почнете да се чувствувате весело, што значи дека алкохолот влијае на мозокот и телото. Веројатно знаете и што значи кога ќе се разбудите мамурни.
„Иако некои видови алкохолни пијалоци, како црвеното вино, содржат антиоксиданси, негативното влијание на алкохолот ги надминува неговите позитивни ефекти“, вели нутриционистот Сигне Сванфелд.
Британската „Национална здравствена служба“ (NHS) издаде препорака дека мажите и жените не треба да пијат повеќе од 14 единици алкохол неделно, распоредени во текот на три дена или повеќе. Единиците за пијалоци може да се пресметаат со помош на равенката: процент на алкохол (%) x количина на пијалок (ml) / 1000 = алкохол единици.
„Конзумирањето прекумерни количини алкохол го зголемува ризикот од рак и кардиоваскуларни болести. Алкохолот исто така може да го зголеми крвниот притисок и да биде штетен за сите органи во нашето тело, вклучително и желудникот и црниот дроб“, додава Стеф Кенан од добротворното здружение за алкохол и ментално здравје „With You“, пренесува Index.hr.
Оштетување на црниот дроб, вишок килограми…
Прекумерното консумирање му штети на црниот дроб на два начина – првиот е тоа што доведува до цироза, а вториот е што може да предизвика таложење на маснотии во тој орган.
„Цироза значи дека црниот дроб има лузни, што ги заменува здравите клетки и поради тоа црниот дроб се бори да работи правилно. Заболувањето на замастен црн дроб може да го спречи и црниот дроб да работи правилно“, вели нутриционистот Роб Хобсон.
Освен тоа, алкохолот е калоричен, што значи дека може да доведе до вишок килограми и на крајот до дебелеење. Кај мажите тоа значи таложење на маснотии во пределот на стомакот, што е фактор на ризик за развој на кардиоваскуларни заболувања,
„Покрај наведеното, зголеменото консумирање алкохол го зголемува ризикот од повреди и заразни болести, особено болести на респираторниот систем“, тврди Кенан.
Кога пијат, некои луѓе се повеќе склони кон ризично однесување и често не се сеќаваат на тоа наутро. Алкохолот, исто така, предизвикува проблеми со спиењето и влијае на емоциите. Еве зошто луѓето кои се чувствуваат депресивни често пијат, но алкохолот само ги продлабочува таквите емоции, предупредуваат експертите.
