Турција почна да ги пропушта танкерите кое беа запрени на преминот Босфор, објави денеска руската агенција РИА Новости, повикувајќи се на Блумберг и локални извори.
До денеска во блокадата имаше 19 танкери, иако ден претходно во теснецот имаше 27 пловни објекти.
Во саботата, Турција испрати копија од писмото до осигурителните компании, што се смета за прифатлив доказ за осигурување, се наведува официјалниот извештај на шпедитер и пристанишен агент.
Претходно, „Фајненшл тајмс“, повикувајќи се на извори, објави дека дошло до сообраќаен метеж во близина на брегот на Турција по почетокот на руските ограничувања на цената на нафтата.
Од 1 декември Анкара почна да бара информации за осигурување, потсетува РИА Новости, наведувајќи дека имала пристап до соопштение во кое се вели дека од првиот ден на зимата е забрането минување низ турскиот теснец за сите цистерни со гориво, чии сопственици не може да обезбедат осигурително писмо.
А кабинетот на претседателот на Турција, Реџеп Таип Ердоган, соопшти дека претходно денеска телефонски разговарал со шефот на руската држава за почетокот на извозот на прехранбени производи и други стоки преку коридорот за жито на Црното Море и за можното воспоставување на гасен центар преку кој би се извезувал руски природен гас.
Односите со Турција, која е членка на НАТО, се клучни за Русија во време кога Западот воведува нови рунди санкции кон Москва поради руската агресија врз Украина, на која Анкара не се приклучи и одржува добри односи со Западот и Кремљ.
