Цените на житото се враќаат на нивоа непосредно пред почетокот на конфликтот во Украина на 24 февруари, бидејќи цените на пченицата паднаа на 300 евра за тон и достигнаа годишно најниско ниво на берзата во Чикаго.
Во соопштението на консултантската куќа Агрител, кое го пренесе порталот Агрархојте, се наведува дека аналитичарите коментираат дека цените барем привремено се ослободени од премии поврзани со геополитички ризици.
Претходните извештаи укажуваа дека светскиот пазар сега е преплавен со украинска, особено руска пченица, а најавата за рекордна жетва во Австралија, која ја намали загриженоста за глобалната понуда, ја намали цената.
Сепак, се чини дека приказната е далеку од завршена и дека покрај вообичаените проблеми во зимскиот период, во следните недели се повеќе ќе доаѓаат до израз и геополитичките проблеми, сметаат аналитичарите на оваа консултантска куќа, според pорталот Агропрес.
Нема причина за претеран оптимизам, како што наведуваат, бидејќи цените на овие жита се уште се значително повисоки од пред нарушувањето на пазарот што започна за време на пандемијата.
Европската унија веќе извезла 14,9 милиони тони обична пченица до 4 декември, што е малку повеќе од 14 милиони во претходната кампања.
Само Франција извезла 5,89 милиони тони, а Германија продала 1,58 милиони на трети земји.
Според објавените податоци, увозот на пченка на ниво на ЕУ изнесува 12,56 милиони тони (од кои 43 отсто се од Украина), што е значително повеќе од лани.
Според анализите на Агрител, Кина останува клучен играч на пазарите по најавеното олеснување на мерките поради Ковид-19, а со тоа растат очекувањата дека ќе има зголемена побарувачка за житарки и други земјоделски производи.
