Украинските сили го гранатираа градот Белгород на западот на Русија, соопшти гувернерот на Белгородската област Вјачеслав Гладков.
Во градот, кој се наоѓа на околу 35 километри од границата со Украина, од шрапнели гранати оштетени се далноводи, објави Гладков.
Прелиминарните информации велат дека нема цивилни жртви, додаде тој.
Не е прв пат, според Гладков, украинските сили да го нападнат Белгород. На 15 ноември тој објави дека две лица загинале во украинско гранатирање.
Наводното гранатирање на Белгород дојде откако Русија го обвини Киев дека користи беспилотни летала за да ги нападне воените воздушни бази длабоко во руската територија во понеделникот и вторникот, откривајќи значителни недостатоци во руската противвоздушна одбрана.
