Блумберг: Русија би можела да одреди цена под која нема да продава нафта

Русија размислува да постави цена под која нема да ја продава својата нафта на меѓународниот пазар како одговор на воведувањето ограничувања на цената на руската нафта наметнати од ЕУ, Г7 и Австралија, објави денеска Блумберг, цитирајќи двајца официјални претставници запознаени со планот.

Москва размислува или да воведе фиксна цена за барел руска нафта или да пропише максимални попусти на меѓународниот пазар на кој може да се продава руската нафта, пишува Блумберг.

Ограничувањето на цената на руската нафта од 60 долари за барел, наметнато од ЕУ, Г7 и Австралија, стапи на сила во понеделникот. На овој начин Западот се обидува да ја ограничи способноста на Москва да ја финансира војната во Украина, но Русија најави дека нема да се придржува до ограничувањето на цената на нафтата, дури и ако треба да го намали производството, пренесува Ројтерс, пренесува Танјуг.