Турција започна подготвителна работа на проектот за гасен центар предложен од рускиот претседател Владимир Путин, изјави денеска турскиот претседател Реџеп Таип Ердоган, пренесува ТВ ТРТ.
-Како што знаете, Путин предложи да изградиме гасен центар во Турција за дистрибуција на гас во Европа, а за тоа се во тек подготвителни работи, рече Ердоган на средбата со младите во градот Шанлиурфа на југоистокот на земјата.
Путин неодамна на руската „Недела на енергијата“ изјави дека со Ердоган разговара за изградба на уште еден гасовод и формирање на гасен центар во Турција, од каде што гасот би се испорачувал до трети земји, пред се членки на Европската унија доколку се заинтересирани за купување.
Путин и Ердоган разговараа за деталите од тој план на 13 октомври во Астана, пренесе Тасс.
