Невработеноста во еврозоната падна на историски најниско ниво. Стапката на невработеност се намали за 0,1 процентен поен на 6,5 отсто во октомври, објави во четвртокот канцеларијата за статистика на Евростат во Луксембург.
Од воведувањето на еврото, овој показател никогаш не бил понизок. Економистите очекуваа непроменет просек од 6,6%.
На годишна основа, невработеноста во валутната област значително се намали. Во октомври 2021-ва година, стапката сè уште беше 7,3%. Во 2021-ва година економијата беше оптоварена со мерките поради коронавирусот. Заводот за статистика извести и дека во октомври годинава околу 10,87 милиони луѓе во еврозоната биле невработени. Ова е за 1,05 милиони луѓе помалку од една година порано.
Од 19-те земји во еврозоната, Грција има највисока стапка на невработеност – 15,6%. Во Германија е меѓу најниските – 2,7%. Податоците на Евростат за пазарот на трудот се засноваат на податоците од Меѓународната организација на трудот (МОТ). Според тоа, уделот за Германија е значително помал од оној што го објави Федералната агенција за вработување.
Во просек за Европската унија, Евростат известува за невработеност од 6%.
