28 март, 2024
ПочетнаЛУКСУЗ И ПАТУВАЊЕОва се најскапите градови за живеење во 2022 година

Ова се најскапите градови за живеење во 2022 година

Њујорк е најскапата метропола во светот во 2022 година, која ја дели неславната титула со Сингапур, бидејќи зголемените цени на енергијата ја удвојуваат стапката на инфлација во светските метрополи.

Ова го покажува годишното истражување на Economist Intelligence Unit (EIU).

Минатогодишниот лидер Тел Авив падна на третото место, додека Сиднеј влезе во топ 10, а Москва и Санкт Петербург во Русија се искачија дури 88 места бидејќи санкциите и растот на цената на нафтата ги зголемија цените, се вели во извештајот на EIU за трошоците за живт во светот, како што пренесува Гардијан.

Главниот град на Венецуела, Каракас, со зголемување на цените од 132 отсто во 2022 година, имаше значително пониска стапка од онаа за време на хиперинфлација од над 25.000 отсто во 2019 година, но не беше вклучен во студијата.

Зајакнувањето на валутите беше еден од факторите што ги поттикна градовите нагоре на рангирањето. Шест од осумте беа американски градови, предводени од Атланта, која падна од 42 на 46 место во рангирањето од 172 градови.

Американската валута остро се зголеми наспроти речиси сите останати, бидејќи Федералните резерви на САД ги зголемија каматните стапки и сигнализираа натамошен раст.

На листата на најскапи градови паднаа градовите во земјите каде што националната валута ослабе. Токио и Осака завршија на 37. и 43. место, соодветно, во споредба со 13. и 10. место каде што беа во 2021 година.

Најмногу паднаа Стокхолм и Луксембург за по 38 места – на 99 и 104 место.

Дамаск во Сирија и Триполи во Либија ги задржаа „титулите“ на најевтини градови во истражувањето.

Поставувањето на Сингапур на врвот на индексот не беше изненадување, според Гардијан. Тој е вториот најскап град во 2021 година и е број еден во осум од изминатите 10 години. Оваа година е првпат Њујорк да биде рангиран како најскап град за живеење.

Три градови во Велика Британија паднаа на рангирањето. Лондон сега е 28-ми, за разлика од 17-тото место во 2021 година. Единбург падна од 27-то на 46-то, додека Манчестер е 73-ти најскап град, за разлика од минатата година на 41-то место.

Австралиските градови се искачија на ранг-листата. Мелбурн сега е 15-ти, од 16-тото минатата година, додека Бризбејн напредуваше четири места на 32-то место. Перт падна за две места на 73-тото место.

Глобалниот пораст на инфлацијата се забрзуваше пред војната во Украина да предизвика прекини во снабдувањето со клучни производи, особено храната. Последователните санкции против Русија предизвикаа дополнително зголемување на цените на нафтата, гасот и другите енергетски производи.

НАЈНОВИ ВЕСТИ

ХОРОСКОП