недела, 5 февруари 2023
ПочетнаЕКОНОМИЈАВоведоа санкции, а купуваат 5 пати повеќе од порано

Воведоа санкции, а купуваат 5 пати повеќе од порано

Оваа година Европската унија ја намали зависноста од руските енергетски извори со забраната за увоз на јаглен и планираното ембарго на нафтата.

Но, увозот на едно руско гориво цвета и веројатно нема да се соочи со бојкот на ЕУ во скоро време.

Европскиот увоз на течен природен гас (ЛНГ) од Русија се зголеми за околу 40 отсто за една година, бидејќи купувачите се обидуваат да компензираат за намалениот проток на руски природен гас преку цевководи, пишува „Блумберг“.

Тоа е горчливо апче за многумина во 27-члениот блок, кој воведе тешки санкции за Кремљ за да му ги одземе приходите за финансирање на војната во Украина, забележува њујоршката агенција.

ЕУ потроши рекордни 12,5 милијарди евра (13 милијарди долари) за увоз на руски ЛНГ од јануари до септември 2022 година, пет пати повеќе од една година порано.

Растечката побарувачка од земји како Франција и Белгија и помогна на Русија да стане втор најголем снабдувач на ЛНГ во северозападна Европа оваа година. Иако Русија е далеку зад САД во однос на количината на пратки, таа го престигна Катар, според податоците за мониторинг на бродовите и пристанишниот сообраќај.

Пред нападот на Украина во февруари оваа година, гасот од Русија беше најголемиот извор на гориво во Европа. Бидејќи Кремљ оттогаш го намали снабдувањето, регионот беше принуден да ги зголеми своите набавки на ЛНГ од Русија и од целиот свет со цел да има електрична енергија и да ги надополни резервите на гас за зимата.

Од европските земји само Велика Британија и балтичките земји престанаа да купуваат руски ЛНГ. Спротивно на тоа, руската нафта во голема мера ја избегнуваат купувачите низ ЕУ, а ембаргото за нафта на Брисел треба да стапи на сила на 5 декември, според Блумберг.

НАЈНОВИ ВЕСТИ

ХОРОСКОП