Новата верзија на мобилниот оперативен систем „iOS“ на „Apple“ веќе е достапна за бесплатно симнување. „iOS 7“ доаѓа со целосно визуелно променет интерфејс, како и некои нови функции.
Платформа може да се инсталира на „iPhone 4“ и новите „iPad 2“ и „iPad Mini“, како и „iPod Touch“. Секој од уредите сепак ќе има пристап до различни можности на „iOS 7“.
За разлика од веќе постарите уреди, „iPhone 5“ и „iPod Touch 5“ ќе можат да ги искористат сите технологии. Сопствениците на „iPad 2“ ќе може да го користат главно новиот интерфејс, „Control Center“, „Notifiaction Center“, подобрувањата во мултитаскингот и „iTunes Radio“, но не и на останатите функции на платформата.
За да инсталира „iOS 7“ на уредот, корисникот мора прво да ја промени апликацијата „iTunes“ до неговата последна верзија 11.1. Потоа треба да го поврзе „iOS“ уредот со компјутерот и да го одбере менито на уредот во „iTunes“. Во делот „General“ треба да се кликне на „Software Update“, а потоа да се следат инструкциите на програмата, која се разбира е бесплатна.
