Високата инфлација и зголемувањето на каматните стапки дефинитивно ќе ја одбележат оваа година. Прогнозите покажуваат дека инфлацијата, поскапувањата и високите каматни стапки ќе ја одбележат и следната година, но дека стабилизација кога зборуваме за каматните стапки и растот на цените треба да се очекува од средината на 2023 година.
Како што понатаму наведуваат, сегашното заострување на монетарните услови, очекуваното слабеење на ефектите од глобалните фактори кои доведоа до раст на цените на енергенсите и храната во претходниот период, како и намалената надворешна побарувачка во услови на неповолни перспективи за глобалниот економски раст, ќе делува на смирување на инфлаторните притисоци.
Намалувањето на инфлацијата првенствено ќе биде придонесено од ефектите од претходното заострување на монетарните услови, забавувањето на увезената инфлација, слабеењето на глобалните трошковни притисоци и завршување на нивното пренесување на потрошувачките цени, како и дезинфлаторниот ефект на агрегатната побарувачка, пред се поради значително помалата надворешна побарувачка.
Каматни стапки
Европската централна банка (ЕЦБ) сега е решена да ја продолжи борбата против високата инфлација, објави нејзината претседателка Кристин Лагард на банкарскиот конгрес во Франкфурт. Во исто време, американската централна банка вели дека каматните стапки ќе продолжат да растат уште некое време, но потоа ќе започне забавување.
„Очекуваме дополнително зголемување на каматните стапки. На крајот ќе ги подигнеме на ниво што на крајот ќе ја врати инфлацијата на нивото на среднорочната цел“, рече Лагард во Франкфурт во очекување на зголемувањето на каматните стапки на 15 декември.
ФЕД во декември ќе ги зголеми каматните стапки за 0,50 процентни поени, по серијата зголемувања за 0,75 поени.
На последниот состанок на ФЕД, мнозинството лидери на централните банки изразија став дека темпото на зголемување на каматните стапки наскоро би можело да се забави. И тоа е добрата вест што ја чека целиот свет.
Цени
Од избувнувањето на војната во Украина, цените на сите прехранбени производи се на нагорна патека. Нема сомнеж дека најмногу поскапе храната, но и гасот, горивото и струјата. Покрај тоа што цените стануваат сè понепристапни за просечното население, постои уште поголем страв дека ќе дојде до недостиг поради преголемата побарувачка и санкциите.
Според експертите, цените на храната ќе продолжат да растат до средината на идната година, а за нивно запирање најголемо влијание ќе има куповната моќ на граѓаните.
