На навивачите во Катар не им е сеедно бидејќи колку енергија е потребна за да се бодрат репрезентациите на Мундијалот, толку тие ја немаат затоа што, како што велат, нема соодветна храна за да им даде сила.
На Твитер почнаа од ден на ден да објавуваат што јадат во фан зоната и не им е сеедно затоа што плаќаат цело богатство за лоша храна.
„Платив 25 долари за плескавица и пиво, а погледнете ја оваа плескавица“, напиша шокиран твитерџија со фотографија на која се гледа причината за неговата жалба.
„Овој хамбургер е навреда, сфаќам дека не е дел од нивната национална кујна, но сепак доаѓаат обожаватели од целиот свет и оставаат големи суми пари во Катар, дали им е ова благодарам?“, „Не е евтин, но затоа е лошо“, „Платија за да се вратат послаби“, продолжија коментарите.
Можеби плескавицата е премногу за готвачите во Катар, но како што велат фановите, не можат да ја направат ни наједноставната салата.
„Платив над 10 долари за грчка салата, еве што добив. Тоа се околу 3 долари по лист“, се пожали еден обожавател.
„Страшно им е далеку Грција, не се запознаени со ова сложено јадење“, „Вака сечам кога сум премногу гладен, па сакам само да ставам нешто во уста, што и да е“, Битно им доаѓале луѓе од цел свет, што ќе јадат, тоа е помалку важно“, коментираат луѓето.
