29 март, 2024
ПочетнаЕКОНОМИЈАФинска: За да се пополнат работните места потребни се 50.000 имигранти годишно

Финска: За да се пополнат работните места потребни се 50.000 имигранти годишно

Финска има потреба од повеќе од 50.000 имигранти годишно до 2050 година за да ги пополни слободните работни места поради стареењето на населението, соопшти Финската асоцијација за технологија.

„Финска старее и се задолжува, а односот на економската одржливост се превртува наопаку“, рече Јако Ескола, претседател на здружението Tehnology Finland, пренесува Ксинхуа.

Здружението, кое брои околу 1.800 компании од технолошката индустрија, наведува дека само на технолошката индустрија ќе и бидат потребни 130.000 нови експерти во следните десет години.

Се верува дека во следните десет години ќе има десетици илјади слободни работни места во извозната индустрија.

Ескола предупреди дека благосостојбата на држава нема да може да се одржи доколку Финска нема доволно работоспособни луѓе.

„Затоа единствената опција е значително да се зголеми имиграцијата“, додаде Ескола.

Тој изјави дека Финска мора да изгради успешна долгорочна имиграциска политика.

„Но, тоа само по себе не е доволно за да се решат предизвиците на земјата“, рече Ескола и додаде дека е неопходно да се подигне нивото на вештини на младите, особено во областа на информатичко-комуникациските технологии.

НАЈНОВИ ВЕСТИ

ХОРОСКОП