Лидерот на Чеченија Рамзан Кадиров вечерва му порача на Киев дека нема потреба да го ставаат на листата на барани лица и да го бараат, нагласувајќи дека ќе дојде сам.
„Господа од СБУ, одредете го местото и времето, ќе дојдам. Ќе дојдам по вас и ќе ве казнам за сите ваши злосторства“, рече Кадиров преку видео објавено на Телеграм.
Тој додаде дека веќе неколку пати бил во Украина.
Службата за безбедност на Украина (СБУ) го стави Кадиров на листата на барани лица за „водење агресивна војна или агресивна воена акција“, за што е предвидена затворска казна од 10 до 15 години, пренесе РИА Новости.
