Денеска Русија го обликува идниот светски поредок, сама се бори против Западот, ги штити своите граѓани и ги враќа териториите на своите предци, изјави денеска заменик-претседателот на Советот за безбедност на Руската Федерација Дмитриј Медведев.
„Сакам да ве потсетам дека Руската Федерација е таа која ги штити граѓаните. Нашата земја е таа што веќе се врати и го враќа нашето наследство, а не обратно. И така ќе продолжи“, напиша Медведев на Телеграм.
„Сами се бориме против западниот свет и НАТО“
Тој посочи дека „денешна Русија е таа што го формира идниот светски поредок, а не САД со Британија или темниот Киев. Ќе се изгради тој еднаков нов светски поредок“, рече Медведев.
Освен тоа, продолжи Медведев, „Руската Федерација сама се бори против западниот свет и НАТО“.
„Затоа, сите паралели со минатото се условени или неточни. Освен еден: ние самите можеме да уништиме непријателски сојузи или моќен непријател“, тврди Медведев.
„Сè уште не сме го користеле целиот арсенал оружје“
Тој, исто така, тврди дека Русија се обидува да ги зачува животите на своите војници и цивили што е можно повеќе во борбите. Тој вели дека истото не може да се каже за акциите на Украина.
„Нашите непријатели не ги сметаат животите на нивните цивили и војници. И тоа е разликата меѓу нас“, истакна тој.
Русија „од причини што се очигледни за сите, сè уште не го искористила целиот арсенал на оружје“, тврди Медведев и додава дека Русија не гаѓала „можни непријателски цели лоцирани во населени места“.
И не само поради нашата вродена човечка добрина. За се има време“, рече Медведев.
„На крај, но не и најмалку важно – само најголемото единство, највисокиот морал и секојдневната напорна работа можат да ја обезбедат победата на земјата“, заклучи тој.
