Украинските вооружени сили стигнаа до центарот на градот Керсон, откако руската армија денеска целосно се повлече од клучниот стратешки град, според неофицијални извештаи.
Поради извештаите дека ранетите руски војници биле напуштени или заробени, еден руски војник, наводно, рекол дека на некои единици им било кажано да избегаат со сите неопходни средства.
Сликите објавени на социјалните мрежи од Херсон во петокот наутро, наводно покажуваат дека украинската пешадија е пречекана од жителите во градскиот кварт Корабелњи, со градскиот паб во позадина.
На социјалните мрежи се појавуваат се повеќе фотографии на кои се гледа како луѓето ги поздравуваат украинските војници во центарот на Херсон, пренесува „The Guardian“.
Партизаните го подигнаа украинското знаме во центарот на градот претходно во петокот додека војниците напредуваа за да го вратат градот, во услови на повлекување на Русија.
Членовите на регионалниот совет во Херсон известија за ситуацијата во градот, пренесе „Скај њуз“.
Тие им рекоа на жителите да останат внатре додека трае потрагата по руски војници кои можеби се кријат во градот.
Градот е речиси целосно под контрола на украинските вооружени сили, соопшти регионалниот совет.
Да потсетиме дека Министерството за одбрана на Руската Федерација претходно денеска соопшти дека сите руски војници во регионот Херсон се преселиле на левиот брег на реката Днепар.
