Поранешниот американски претседател Доналд Трамп најави „големо соопштение“ за 15 ноември.
„Ќе дадам многу голема најава во вторник, на 15 ноември во Мар-а-Лаго“, во Флорида, рече републиканецот за време на предизборниот митинг во Охајо, вечерта пред среднорочните избори.
Американските граѓани денеска го избираат целиот долен дом и дел од членовите на горниот дом на Конгресот.
Клучното прашање е дали владејачката Демократска партија ќе успее да го задржи мнозинството, што би му овозможило на шефот на државата Џо Бајден непречено да ја спроведува својата агенда.
