Финскиот производител на телефони подготви посебно случување на 22 октомври, а се очекува на тој датум „Nokia Lumia 1520“ да биде почесен гостин.
„Nokia“ не сакаше да коментира што ќе биде претставено на тој датум, но „Lumia 1520“ е логичен кандидат.
Извештаите за телефонот со 6-инчен екран веќе некое време се појавуваат на интернет, како и наводни фотографии од телефонот.
На Твитер се појавува слика со овој уред под кој стои натпис – „Nokia Lumia 1520“, 2013 година.
На фотографијата тешко е да се процени вистинската големина на екранот, но уредот изгледа прилично масивно.
Со кодно име „Бандит“, „Lumia 1520“ би требало да има 6-инчен 1080p дисплеј, а тоа би го направило овој смартфон најголем „Windows“ телефон на пазарот.
„Lumia 1520“, исто така, би требало да поседува „Qualcom quad core“ процесор, камера од 20 мегапиксели и тело од поликарбонат.
Сајтот на „Windows Phone“ центарот претпоставува дека „Nokia“ овој уред би можела да го претстави во Њујорк на крајот на септември.