28 март, 2024
ПочетнаЕКОНОМИЈАКина купува 140 патнички авиони од Ербас

Кина купува 140 патнички авиони од Ербас

Кина ќе купи 140 патнички авиони од европскиот производител на авиони Ербас во вредност од 17 милијарди долари, јавува Анадолија.

Во соопштението на кинеската компанија за снабдување со воздухопловна опрема, се наведува дека е постигнат договор со Ербас за купување на 132 патнички авиони А320 и осум авиони А350.

Наведено е дека вкупната цена на договорот потпишан при денешната посета на германскиот канцелар Олаф Шолц на Пекинг ќе изнесува 17 милијарди долари.

Кинеските „големи три“ државни превозници AirChina, China Southern и China Eastern се обврзаа да купат вкупно 292 авиони од Airbus во јули оваа година.

Загриженост во Германија

Најавата предизвика загриженост во Германија дека Берлин ќе им даде приоритет на економските врски со Пекинг пред безбедносните и стратешките прашања.

Кина е најголемиот трговски партнер на Германија и Шолц реши да земе голема деловна делегација со себе.

Соочувајќи се со зголемени критики, германски официјален претставник пред посетата рече дека за време на посетата нема да бидат потпишани никакви договори.

Шолц им рече на новинарите во Пекинг доцна во петокот дека за време на неговото патување водел кампања за еднакви услови за игра за европските и кинеските компании, но не го спомна договорот со Ербас.

Средбата на германскиот канцелар со Кси го означи крајот на тригодишниот период во кој Кси не разговараше лице в лице со ниту еден лидер на земјите од Г7.

НАЈНОВИ ВЕСТИ

ХОРОСКОП