Москва го прекина учеството во Црноморскиот коридор за извоз на жито на крајот на октомври, но повторно се приклучи на договорот четири дена подоцна, намалувајќи ги стравувањата од натамошни нарушувања на извозот на жито во Украина.
Русија има услови за да продолжи со важниот договор за испорака на храна од Украина. Според Ројтерс, Русија сака Западот да ги олесни ограничувањата на државниот земјоделски кредитор Роселхозбанк за да го олесни извозот на жито од Русија.
Москва го суспендираше учеството во Црноморскиот коридор за извоз на жито на крајот на октомври, но повторно се приклучи на договорот четири дена подоцна, намалувајќи ги стравувањата од понатамошни нарушувања на извозот на жито од Украина, клучен снабдувач, во време на неконтролирана глобална инфлација на храна.
Обнова на односите со Роселхозбанк
Рускиот претседател Владимир Путин рече дека Русија го задржува правото повторно да го раскине договорот, додека шефот на ОН Антонио Гутереш врши притисок врз Москва да се согласи да го продолжи пактот по неговото планирано истекување на 19 ноември.
Патем, барањата на Русија не се објавени во јавноста, освен повикот да се деблокира руското ѓубриво заглавено во европските пристаништа и магацини и да се продолжи извозот на амонијак преку цевките што одат од Русија во Украина, велат четворица извори запознаени со барања за време на преговорите за продолжување на договорот за испорака на жито од Украина, пренесува Ројтерс.
Русите бараат западните земји да и дозволат на Роселхозбанк да ги обнови односите со другите банки и покрај санкциите што Западот ги воведе кон Москва.
Разговор со ЕУ и други страни
-Ова ќе и овозможи на банката, која досега немаше голема улога во меѓународната трговија со жито, да ги процесира плаќањата за руско жито и други прехранбени производи. Пред најновите санкции, со таквите плаќања управуваа меѓународни банки и подружници на други руски банки во Швајцарија – според извори на Ројтерс.
Изворите не кажаа каков, доколку има, одговор добила Русија на нејзините предлози.
Извор од ОН, кој сакаше да остане анонимен, изјави за Ројтерс дека за олеснување на плаќањето на руската храна и ѓубрива преку Роселхозбанк се разговара со Европската унија и другите страни.
