Норвешка сега е најголемиот снабдувач на природен гас за земјите од Европската унија, а зад неа стојат САД.
САД станаа вториот најголем снабдувач на гас во ЕУ поради зголемената испорака на ЛНГ по намалувањето на испораките од Русија, изјави заменик-шефот на Европската комисија, Валдис Домбровскис, на економската конференција во Летонија.
„Успеавме целосно да ја обновиме структурата на нашите добавувачи. „Норвешка сега е најголемиот снабдувач на природен гас, а потоа следат САД, кои нè снабдуваат со течен природен гас“, рече тој, а пренесува руската агенција Тасс.
Претходно оваа година, Русија беше најголемиот снабдувач на гас во блокот, покривајќи приближно 40 отсто од потребите на европскиот регион. Сепак, по воената операција на Москва во Украина и западните санкции, испораките на Русија се намалени и во моментов сочинуваат само девет отсто од увозот на гас во ЕУ.
Соединетите Американски Држави станаа третиот најголем снабдувач на ЕУ минатата година, претекнувајќи го Алжир. Во 2022 година, испораките на ЛНГ во САД беа дополнително зголемени и сега сочинуваат речиси половина од вкупните набавки на ЛНГ.
