Потрошувачките цени во САД во август се зголемија за 0,1 проценти, а инфлацијата остана под контрола, соопшти американското Министерство за трговија.
На годишно ниво, цените минатиот месец се зголемиле за 1,5 проценти, што е далеку под нивото кое Управата на федералните резерви го одреди како граница за заострување на монетарната политика, пренесе агенцијата Франс прес.
Цените на енергенсите се намалени, додека во здравствениот сектор е евидентиран стабилен раст на цените од 0,7 проценти на месечно ниво и 3,1 проценти на годишно ниво.
Основните цени, не сметајќи ја храната и енергенсите, се зголемиле минатиот месец за 0,1 проценти на месечно ниво и 1,8 проценти на годишно ниво.