Во трговијата на мало, во јули годинава во споредба со истиот месец лани, пораст на прометот е забележан во групата „трговија на мало со автомобилски горива“, објави денеска Државниот завод за статистика.
Зголемен прометот во трговијата на мало со автомобилски горива
Намалување на прометот статистиката евидентира во групите трговија на мало со храна, пијалаци и тутун (номинално за 16,2 проценти, а реално за 20,4 проценти), со непрехранбени продукти, освен горива (номинално за 2 проценти, а реално за 6,8 проценти и трговија на мало, освен трговија со горива (номинално за 9,7 проценти, а реално за 14 проценти).