Започна да функционира Механизмот за граѓанска отпорност (МГО) на ЕУ, директна поддршка за иницијативите на граѓанското општество во рамките на проектот финансиран од ЕУ „Техничка поддршка за подобрување на овозможувачката средина за граѓанските организации во Република Северна Македонија“. Овој повик за предлози е финансиран од Европската Унија со вкупен расположлив износ од 900 000 евра.
За првпат во земјата, Европската Унија обезбедува ваков механизам за финансирање за директна поддршка на граѓанските организации со цел да им се овозможи ефикасно да се справат со клучните приоритети во нивните локални заедници и да придонесат за реформите во клучните сектори во земјата. Граѓанскиот механизам за отпорност на ЕУ ќе ги поддржи локалните организации да ги спроведат активностите за навремено одговарање на потребите на нивните сограѓани и зајакнување на отпорноста на граѓаните при зачестени општествени промени. Граѓанското општество има водечка улога за развивањето на отпорноста на заедницата и во таа насока ЕУ ќе ги поддржи во нивните напори.
Граѓанските организации што ги исполнуваат критериумите утврдени во Упатството за апликантите на овој повик се добредојдени да аплицираат онлајн (www.eu4cr.mk) со краен рок за поднесување предлози до 15 ноември 2022 година, 17:00 часот.
Почнувајќи од 4 октомври 2022 година, беа организирани четиринаесет информативни сесии за Механизмот за граѓанска отпорност (МГО) на ЕУ . Градови низ кои се реализираа сесиите беа Битола, Охрид, Гостивар, Куманово, Кочани, Струмица, Кавадарци, Велес, Прилеп, Тетово, Кичево, Кратово, Делчево, Гевгелија и
- во Скопје на ден 31.10.2022 од 15:30-18:00 часот место на одржување на настанот Ресторан Јавна соба
Заповеќе информации за настаните посетете ја веб-страницата на проектот.
Техничка поддршка за подобрување на овозможувачката средина за граѓанските организации во Република Северна Македонија е проект финансиран од Европската Унија и имплементиран од CPM Consulting International.
За повеќе информации, ве молиме контактирајте го проектот на е-пошта: [email protected]
