Министрите за енергетика на ЕУ на состанокот во Луксембург не успеаја да се договорат за ограничувањето на цената на гасот во Унијата и ја одложија расправата за ова прашање за еден месец.
Целта на средбата беше да се олесни постигнувањето компромис преку преговори, за да се намалат цените на гасот.
Пред состанокот во Луксембург, Европската комисија преку нон-пејпер ги предупреди земјите дека ограничувањето на цената на гасот што се користи за производство на електрична енергија низ ЕУ може да предизвика зголемување на употребата на гас и извозот на електрична енергија.
