Енергетската криза ги олади напорите за намалување на јаглеродниот отпечаток на течниот гас, пишува „Reuters“. Во моментов, потрошувачите во Европа се повеќе загрижени за снабдувањето отколку за емисиите од транспортот на суровината.
Природниот гас може да биде сертифициран како нискојаглероден доколку компаниите за екстракција можат да покажат дека ги намалуваат емисиите кога го доставуваат гасот на пазарот или со купување додатоци за намалување на отпечатокот на компанијата.
Од почетокот на годината, сепак, има помалку од 10 зделки за „зелени“ резерви на ЛНГ, што е намалување од 30 во 2021-ва година, покажаа податоците на „Wood Mackenzie“. Побарувачката за такви квоти е намалена, според аналитичарите анкетирани од „Reuters“.
Во сегашната ситуација побарувачката за нискојаглероден течен гас е незначителна, објаснуваат аналитичарите на „Vortexa“. Во моментов енергетската безбедност има тежина, додаваат оттаму.
Сепак, оваа ситуација носи ризици од повлекување од обврските за борба против климатските промени. Во моментов, компаниите за екстракција немаат поттик да бараат начини за намалување на емисиите.
Според агенцијата, некои американски рударски компании инвестираат во мерки за намалување на нивниот јаглероден отпечаток, но ниту еден извозник не ги сертифицирал нивните капацитети. Еден од најголемите извозници на пазарот, „Cheniere Energy“, коментира дека од јуни дава целосни детали за емисиите при транспорт на својот товар, но не соработува со ниту една компанија за сертификација.
Рударските компании се под притисок за слични потези од регулаторите, инвеститорите и големите потрошувачи.
При горење природен гас се испушта помалку јаглерод диоксид отколку јаглен. Но, сепак придонесува за климатските промени со испуштање на стакленички гасови за време на екстракција или транспорт – на пример, истекување на метан. Овој гас е многу поопасен од јаглерод диоксидот, но побрзо се распаѓа во атмосферата.
