Chainalysis ја сподели статистиката за хакерски напади во крипто-светот. Главни цели беа централизираните менувачници, додека во последно време се поголем акцент се става на децентрализираните менувачници. Интересно е што овој месец води по бројот на хакерски напади и нивните активности.
Иако сме само на половина пат до октомври, досега се украдени околу 718 милиони американски долари во 11 различни хакерски напади од протоколот DeFi.
Четирите хакирања што се случија пред една недела ги вклучија Rabby Wallet, QANPlatform, Temple DAO и Mango Markets. Најголемото од овие четири беше хакирањето на протоколот DeFi Mango Markets базиран на мрежата на Солана, во кој беа украдени околу 115 милиони долари.
Судејки по се, според бројот на хакерски напади, 2022 година се заканува да ја помине минатата година, што беше рекорд со повеќе од три милијарди долари штета.
Историски гледано, првиот и можеби еден од најзначајните крипто-хакерски напади се случи во 2011 година. Станува збор за менувачницата Mt. Gox чие седиште беше во Токио. Во тој момент имаше околу 70 проценти од вкупниот светски промет во крипто-валути. Кога беше хакирана берзата, беа украдени биткоини во вредност од 8,75 милиони долари. Иако берзата вети дека ќе ги подобри своите безбедносни механизми, таа доживеа уште еден напад во 2014 година. Овој пат нападот беше многу поголем. Украдени се речиси 850.000 биткоини (615 милиони долари). Ако ги ставиме овие бројки во денешни рамки, ќе ни биде јасно дека сумите се многу поголеми од денешен аспект.
