Просечната месечна плата во Словенија во јули изнесувала 990 евра, што е реално повеќе отколку во јуни за 1,1 процент, соопшти државниот Завод за статистика.
Просечната месечна бруто плата за јули достигнала 1.510 евра и во споредба со јуни била реално поголема за 1,3 проценти.
Најдобро платени работници биле тие во дејноста за снабдување со електрична енергија, гас и пареа, а најслабо платени тие кои работеле во угостителството и градежништвото.
Во јавниот сектор платата останала непроменета, во државниот сектор се намалила за 1,1 процент, додека во приватниот сектор се зголемила за 1,5 проценти, наведува Заводот за статистика.
