На интернет се појавија наводните спецификации за смартфонот „Harmony“ на компанијата „HTC“.
Уредот наводно ќе биде базиран на „HTC One“, а ќе ја користи најновата верзија на оперативниот систем „Windows Phone 8“.
Во спецификациите објавени на интернет се наведува дека „HTC Harmony“ ќе понуди 32GB меморија, 4,7-инчен „Super LCD-3“ екран со резолуција од 1080 пиксели, како и 2GB рам-меморија.
Останатите спецификации вклучуваат „Beats Audio“ технологија и истата „Ultrapixel“ камера која користи и „HTC One“.
Постојат гласини кои велат дека и „HTC“ работи да создаде свој оперативен систем.
Смартфонот „HTC Harmony“ ќе биде претставен во ноември.