Во германските рафинерии нафтата пристигнува преку нафтоводот Дружба

Снабдувањето со нафта во Германија е безбедно, а рафинериите во Швед и Лојна продолжуваат да добиваат нафта преку кракот Фрондшафт 1 на нафтоводот Дружба низ Полска, соопшти денеска портпаролот на германското Министерство за економија.

Тој нагласи дека Министерството внимателно ја следи ситуацијата и дека двете рафинерии во последните недели ги зголемуваат залихите на станиците за прием како мерка на претпазливост, пренесува Ројтерс.

Полска утринава објави дека открила истекување на едната траса на нафтоводот Дружба што пренесува нафта од Русија во Европа, истакнувајќи дека причината најверојатно е несреќа, а не саботажа.