Маск: Зборував со Путин само еднаш и тоа пред 18 месеци

Милијардерот и претприемач Илон Маск денеска изјави дека со рускиот претседател Владимир Путин разговарал само еднаш, пред околу 18 месеци, а не пред објавувањето на онлајн анкетата со предлог за мировен договор меѓу Русија и Украина.

По информациите дека разговарал со Путин пред да биде објавена онлајн анкетата, Маск рече дека тоа не е точно.

„Со Путин разговарав само еднаш и тоа пред околу 18 месеци. Темата беше вселената“, одговори Маск преку социјалните мрежи на прашањето и извештаите.

Американските медиуми претходно објавија дека Маск разговарал со Путин пред да објави анкета на Твитер за предложениот мировен договор меѓу Русија и Украина.