Премиерот на Украина Денис Шмигаљ изјави дека снабдувањето со електрична енергија е прекинато речиси низ целата земја.
Тој додаде дека вонредни исклучувања се планирани во четири области, вклучувајќи го и Киев.
„Десетици ракети погодија објекти на енергетската инфраструктура во 11 региони и Киев. Снабдувањето со електрична енергија е прекинато во речиси целата земја. Проблеми со водоснабдувањето има во осум региони… Воведен е распоредот за вонредни исклучувања во Киев, регионите Черниговски, Черкаси и Житомир“, напиша Шмигаљ на својот канал на Телеграм.
Според Националната полиција на Украина, во нападот биле оштетени 29 критични инфраструктурни објекти.
