За многумина, разговорот на оваа тема може да биде непријатен, но неопходно е да знаете некои работи бидејќи тие можат да ве спасат од болест.
Д-р Сара Џарвис, општ лекар, за „The Sun“ објасни дека на цревата влијаат голем број фактори.
-Дури и ако јадат на ист начин, некои луѓе вршат нужда почесто од другите, рече таа.
-Сепак, секој од нас треба да ги следи и да ги знае своите навики за да знаеме кога е време за посета на лекар, додаде таа.
Според д-р Џарвис, повеќето луѓе имаат прилично редовна шема на одење во тоалет.
Истражувањата покажуваат дека 98 отсто од луѓето вршат нужда помеѓу три пати на ден и три пати неделно.
Повеќето, исто така, имаат тенденција да одат во тоалет во исто време секој ден.
-Некои медицински состојби, како што е воспалителна болест на цревата, може да предизвикаат чести движења на дебелото црево, но освен ако немате основна здравствена состојба која директно влијае на вашите црева, многу други фактори, како што се исхраната или начинот на живот, може да одредат колку често имате празнење на дебелото црево, објаснува докторот.
Физичката активност, на пример, може да помогне да се стимулира движењето на дебелото црево.
Од друга страна, некои лекови може да предизвикаат течна столица или запек како несакан ефект.
Промените во исхраната и начинот на живот може да влијаат на регулираност на столицата. Доколку внесете повеќе влакна во исхраната (зеленчук, овошје, мешунки, грав, леќа), нормално е дека ќе имате почеста столица.
-Ако не пиете доволно течност, тоа ви ја прави столицата помала и потешка, објаснува докторот.
-Најважно е секој да знае што е нормално за неговиот организам и да биде свесен за знаците кои би можеле да укажуваат на симптоми на рак на дебелото црево, предупредува тој.
-Доколку забележите крв во столицата, почесто одење во тоалет, болки во стомакот, екстремен замор и слабеење, веднаш треба да се јавите на лекар, истакна таа.
