Северна Кореја денеска истрела балистичка ракета во правец на Источното Кинеско Море, соопшти јужнокорејската војска.
Ракетата паднала надвор од јапонската ексклузивна економска зона (ЕЕЗ), соопшти крајбрежната стража.
ЕЕЗ е заштитена погранична зона на Јапонија која се протега од заливот Токио до островите Изу и Огасавара.
Последната ракетна проба на Северна Кореја е седма за само две недели, а се сомнева дека е поврзана со претстојната посета на американскиот потпретседател Камала Харис на Тајланд, потсетува Дејл Меил.
Јужна Кореја и САД во петокот и денеска спроведоа заедничка поморска воена вежба на која учествуваше и американскиот носач на авиони на нуклеарен погон „Роналд Реган“, по заедничката вежба меѓу двете земји со Јапонија во четвртокот.
Јапонскиот премиер Фумио Кишида го осуди петтото лансирање минатата недела и ги нарече акциите на Северна Кореја „варварски“.
Тој истакна дека Владата ќе продолжи да собира и анализира информации за ова.
