Украинскиот претседател Володимир Зеленски го повика НАТО да спречи руски нуклеарен напад со „превентивен напад“, пишува рускиот Инсајдер, додавајќи дека Кремљ тоа го протолкува како повик за започнување војна.
Зеленски рече дека НАТО треба да обезбеди можност за „превентивен напад“ против Русија за да се „исклучи можноста за нејзина употреба на нуклеарно оружје“.
Зеленски не прецизираше за каков напад – нуклеарен или со употреба на конвенционално оружје.
„Што треба да направи НАТО? Да се елиминира можноста Русија да користи нуклеарно оружје. Но, она што е важно, уште еднаш апелирам до меѓународната заедница, како што беше пред 24 февруари: превентивни удари, да знаат што ќе се случи со нив ако ги користат. А не обратно – почекајте ги нуклеарните напади на Русија. Преиспитајте ја примената на нивниот притисок, постапката за поднесување барања“, рече украинскиот претседател за време на видео интервјуто.
Раководството на Русија веднаш реагираше на неговата изјава за „превентивен удар“.
Прес секретарот на рускиот претседател Дмитриј Песков изјави дека „ова не е ништо повеќе од покана за почеток на светска војна со несогледливи монструозни последици“.
„Ова е изјава на претседателот Зеленски на која треба да внимаваат сите земји во светот. На оваа изјава на Зеленски посебно внимание треба да посветат САД, Велика Британија и земјите од ЕУ. Пред се, првите две“, рече Песков.
