Продажните цени на производителите на индустриски производи во јули годинава, вкупно, се пониски за 1,6 отсто на месечно ниво, а за 0,4 отсто на годишно ниво.
Според податоците на Државниот завод за статистика, во јули 2013 во споредба со претходниот месец продажните цени на производителите на индустриски производи, вкупно, се повисоки во секторот Рударство и вадење на камен за 1,7 отсто, а се пониски во секторот Преработувачка индустрија за 1,9 и во секторот Снабдување со електрична енергија, гас, пареа и климатизација за 0,3 отсто.
Во споредба со јули 2012, продажните цени, вкупно, се повисоки во секторот Рударство и вадење на камен за 4,4 отсто, во секторот Преработувачка индустрија се пониски за 1,9, а во секторот Снабдување со електрична енергија, гас, пареа и климатизација се повисоки за 15 отсто.