Во денешниот говор во кој најави припојување на четирите украински региони Доњецк, Луганск, Керсон и Запорожје кон Русија, рускиот претседател Владимир Путин особено го нападна Западот.
Имено, тој изјави дека на Западот се му оди добро бидејќи никогаш не бил казнет.
„Западот сака да воспостави нов светски поредок и да го ограби целиот свет. Затоа се толку агресивни кон нашата независна држава. Стратешките безбедносни договори се фрлаат во ѓубре. Сите претходни трудови се сметаат за неважечки. Ветувањата дека НАТО нема да се прошири на исток се покажаа како валкана измама. Русија е голема земја веќе 1000 години и нема да живее по вештачки правила. Западните елити, какви што беа, остануваат исти – дискриминаторски. Го дискриминираат и го делат народот. Што е тоа ако не расизам и русофобија. Кој не е со нас е против нас“, додаде тој.
Тој нагласи дека русофобијата се шири низ светот и дека Западот се обидува да ја уништи Русија.
„Во 1991 г Западот веруваше дека СССР нема да се опорави, дека Русија нема да се опорави од тој удар. Ги живеевме тешките 1990-ти, но Русија го помина и тоа, стана посилна и сега го зазема своето вистинско место во светот“, рече Путин.
Тој нагласи дека Западот бара нови можности да ја нападне Русија и дека „отсекогаш сонувале да ја разбијат Русија на помали држави кои ќе се борат една против друга“.
„Западот има двојни и тројни стандарди. Западните држави со децении велат дека на светот му носат демократија и слобода, но вистината е спротивна. Наместо слобода, тие уништуваат. Западниот светски поредок е лицемерен и полн со лаги. САД се единствената земја што користела нуклеарно оружје во војна. За време на Втората светска војна, САД и Велика Британија без никаква потреба ги срамнија со земја Дрезден, Келн и Хамбург. Така сакаа да го заплашат СССР“, тврди тој понатаму.
Потоа го нарече Западот алчен.
„Западот сака Русија да биде нејзина колонија. Затоа Западот води хибридна војна против Русија. Не сакаат да не гледаат како слободно општество туку како куп робови. Ним не им треба Русија. Ние и требаме на Русија“, рече тој, по што присутните го поздравија со аплауз.
Тој, исто така, зборуваше за нуклеарното оружје и рече дека САД се тие што направиле преседан за неговата употреба со фрлање атомски бомби врз Хирошима и Нагасаки за време на Втората светска војна.
После тоа се осврна и на енергетската криза.
„Западот сега „турка“ пари, но со тие пари не можете ниту да се нахраните, ниту да се стоплите. Потребна им е храна и енергија. Ќе мора да јадат помалку, помалку да се тушираат и да се облекуваат топло. Уништувањето на западната хегемонија е неповратен процес. Светот никогаш нема да биде ист“, заклучи Путин.
Путин особено ги нападна САД и Британија, кои ги обвини дека го саботираат гасоводот Северен тек. Зборувајќи за Британците како „англосаксонци“, тој рече дека тие помогнале „да се организираат експлозии на гасоводи во Балтичкото Море“. Тој ја опиша американската армија како „брутална“ и го осуди проширувањето на НАТО.
