Владата со мерки и за помали сметки за струја во училиштата

„Економско енергетскиот совет на Владата, на синоќешната седница донесе одлуки кои гарантираат непречено снабдување со електрична енергија и енергенси за претстојната зима“ соопштија од СДСМ.

Од владејачката партија велат дека е „донесена одлука, на регулиран пазар на електрична енергија да бидат и основните и средни училишта низ целата држава, без разлика што обврската за обезбедување на образовниот процес е на единиците на локалната самоуправа“.

„Тоа значи дека во текот на целата зима, образовниот процес ќе се одвива непречено и со физичко присуство. Дополнително, државата ќе продолжи да ја субвенционира сметката за електрична енергија од 80 отсто за 650.000 домаќинства, а над 70.000 компании и други правни субјекти ќе добиваат субвенционирана електрична енергија која е три пати пониска од берзанската“ велат од СДСМ.