Обемот на тргување со незаменливите токени (NFT) падна за 97% од нивниот историски максимум во јануари оваа година. Ова стана јасно од податоците на компанијата „Dune Analytics“, цитирани од „Bloomberg“.
Тие паднаа на само 466 милиони долари во септември од 17 милијарди долари на почетокот на 2022 година, покажуваат пресметките.
Намалувањето на манијата за „NFT“ е дел од пошироката продажба во крипто секторот што збриша 2 трилиони долари пазарна капитализација од секторот во услови на затегнување на монетарната политика што го пригуши инвестициското расположение во поризични средства.
Поради недостигот на интерес кон крајот на минатиот месец, стана јасно дека крадци присвоиле „NFT“ вредни 100 милиони долари од почетокот на годината до јули, објави блокчејн фирмата „Elliptic“.
Пазарот забележа подем во 2021-ва година кога цените на криптовалутите достигнаа рекордни височини и шпекулантите се надеваа на поволни цени. Но, оттогаш, токените значително се амортизираа, предизвикувајќи колапс на цените и продажбата на „NFT“.
Измамите, во меѓувреме, остануваат вообичаени дури и на намалениот пазар на „NFT“. Во јули се забележани најмногу украдени незаменливи токени досега, пренесува „Elliptic“.
